香港人返工時間長,少時間做運動,放左工鍾意約埋成班朋友出去食好野,食嘅份量多仲要重口味,

煎炸野辣野樣樣齊,可能好多都市人都面對便秘嘅問題,不過呢個話題尷尬就算有都唔知點講

原來便秘都有分2種,可分為功能性及器質性便秘

功能性便秘嘅成分為偏食、飲水不足、環境改變或壓力而造成好幾日先排便一次,久而久之好容易形成習慣性便秘。好多老人家都有便秘嘅煩惱,多數原因係由於年紀大、體質差,牙齒唔夠力,食野時無法將食物咬碎,繼而消化得唔好引發便秘問題。

另外,不論年紀大細,保持運動嘅習慣都好重要架,因為缺乏運動就會令腸臟蠕動變差,造成排便困難,所以長期臥床或者成日坐嘅人,都比較容易有呢個問題而器質性便秘則係由於大腸沾黏或有病變而阻塞腸道所引起的,如果有呢個問題嘅朋友仔,記得要快啲搵醫生check下啦!
 

如果便秘食咩水果好,識食一定食西瓜核

食材:西瓜核15g、蜂蜜15g

做法:將西瓜核搗爛 ,加入清水 500ml,大火煲滾後 ,轉細火繼續煲30分鐘,攤凍之後再加入蜂蜜攪均就飲得啦

西瓜核嘅營養豐富,有清肺、化痰、通便、降血壓等效果,而且可以止渴、幫助消化,食完西瓜啲核記得唔好嘥啦